Zitu, 20 urte eraldaketa digitala eta big data tokiko enpresa eta erakundeetara hurbiltzen
Zituk, 20 urteko ibilbidea duen enpresak, Donostian du bere egoitza eta sektore anitzetarako softwarearen garapenean espezializatuta dago, eraldaketa digitalaren bidez enpresen partner teknologiko bihurtzeko helburuarekin. Azken urteotan nabarmen hazi da, “I+Gn egindako inbertsioari esker. Azken 4 urteetan gure fakturazioa hirukoiztu egin da eta gure plantilla bikoiztu”, adierazi du Iñaki Ugarteburu Zituko CEOak. Gaur egun 20 langile ditu, eta salmenten % 95 Euskal Herrian egiten ditu.
Zituk lau negozio-ildo estrategiko ditu. Lehenengoa zerbitzuen sektoreari zuzenduta dago, ERP Erpin plataforma adibidez, erosketak egiteko, salmentak egiteko, gastuak kontrolatzeko eta bezeroengandik informazioa lortzeko tresna, besteak beste, eta Sogest softwarea, elkarte gastronomiko baten kudeaketa guztia errazteko garatua. Izan ere, gaur egun 250 instalazio baino gehiago ditu. Bigarren lerroak, Zitu Social izenekoak, batez ere komunikazio-gaietara zuzendutako elkarte edo erakunde publikoekin lankidetzan jarduten du.
Bestalde, Zitu Industria lerroa da azken urteotan enpresak egin duen apustu nagusia, 4.0 industrian aurrera egiten jarraitzeko helburuarekin. Iñaki Ugarteburuk dioenez, “gure baliabide asko I+Gko proiektuetan inbertitzen ari gara, industria-sektorerako irtenbide berritzaileak eta eskuragarriak sortzeko enpresa handi zein txikientzat”. Azkenik, etorkizunera begira, Zitu Adimen Artifiziala arlo berria dago, AI bere produktuetan txertatzeko lan eginez. Gaur egun, IAIOA izeneko Adimen Artifizialeko proiektu batean murgilduta dago enpresa, zerbitzu osagarrien industriari aplikatua.
Hazitek programak finantzatutako Addimon proiektua ere duela gutxi gidatu du, IMH Campusekin batera. Ekimen honen helburua 3D inprimaketako eta Fabrikazio Aditiboko hainbat teknologia eta fabrikatzaile elkarrekin lotzeko software bat garatzea da, haien prozesuak optimizatzeko.
Gipuzkoako enpresan ezarpen gehien dituen beste soluziotako bat Eris proiektua da, mekanizazioko 50 tailer baino gehiagotan instalatu dena eta 500 makina baino gehiagotan presente dagoena. Software honek makinak denbora errealean monitorizatzen ditu eta datu horiek produkzio-prozesuekin lotzen ditu. Horrela, enpresek informazio zehatza dute uneoro, eta produkzio-prozesu osoaren ikuspegi orokorra dute, makinen eraginkortasuna areagotuz.
Etorkizunari begira, Zituk erreferente izan nahi du eraldaketa digitalean eta big dataren kudeaketan, eta gero eta bezero gehiagoren partner teknologiko bihurtu nahi du. Horrekin lotuta, enpresa bere nazioartekotze-prozesuan lehen urratsak ematen ari da, Basque Trade Investment-ekin lankidetzan. “2022rako gure helburua salmentak % 50 handitzea da, aurreko urtearekin alderatuta, eta, horretarako, nazioartekotzea funtsezko alderdia izango da”, azaldu du Iñaki Ugarteburuk.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.