Arteca, kautxu-metalezko pieza teknikoen fabrikazioan espezializatutako enpresa
Arteca enpresak 67 urteko ibilbidea du, Villabonan (Gipuzkoa) kokatua dago, eta kautxu-metalezko piezak fabrikatzen ditu automobilgintza, kamioi eta trenetarako. Konpainiak SPRI Taldearen zibersegurtasun industrialeko programaren laguntza bat jaso du. Duela hiru urtetik, SPRIk Basque Cybersecurity Centre (BCSC) zentroaren laguntza du zibersegurtasunaren euskal ekosistema bultzatzeko eta, ondorioz, baita ere laguntza ekonomikoak banatzen dituen programa honetarako.
1956an sortu zen Lasarten (Gipuzkoa), eta 1976an Adunara eraman zituen bere lantegia eta bere 130 langileak, fabrika handitzeko eta produkzio-prozesu osoa (estanpazioa, mekanizatua eta kautxu nahasketaren fabrikazioa) integratzeko. 70eko hamarkadaren amaieran 520 pertsona zeuzkan plantillan.
“Krisi handi baten ostean, 1980an itxi egin zen enpresa, eta handik bi urtera 50 langilek euren langabezia kapitalizatu eta ATC izeneko lan-sozietate anonimoa (LSA) sortu zuten” diote Josu Aranburuk, Arteca Taldeko Negozioaren Garapeneko zuzendariak eta Iker Osak, Erosketen saileko zuzendariak.
Hurrengo mugarri garrantzitsua 1983an iritsi zen, bere produktuak Frantziako merkatuan banatzen hasi zenean SCTI enpresa frantsesaren bidez. 1992an egoitza lekuz aldatu eta egun Villabonan dauzkaten instalazioetara joan ziren, eta 1998an SCTI taldeak langileen akzioen % 98 erosi zituen. Gaur egun, akzio guzti-guztiak (%100) talde frantsesarenak dira.
90eko hamarkadan lantegi bat ireki zuten Txinan, nahiz eta lantegi nagusia Villabonan geratu zen: “hemen garatzen eta fabrikatzen dira balio erantsi handieneko produktuak”.
Ibilgailuak, kamioiak eta trenak, beren merkatuak
Artecak kautxu-metalezko piezak fabrikatzen ditu; transmisio eta suspentsiorako elementuak dira, eta hiru merkatutara bideratuta daude: ibilgailuak, kamioiak eta trenak.
“Autoen kasuan, pieza gehienak transmisioko ardatzerako eta kardanerako izaten dira. Ibilgailu elektrikoaren etorrerarekin ikerketa sakon bat egin dugu, eta une honetan baiezta dezakegu ibilgailu elektriko horiek ere bibrazioen aurkako piezak edukiko dituztela”. Gaur egun, 300dik gora erreferentziako portfolioa eskaintzen du.
Enpresak argi bereizten ditu ibilgailuetara eta kamioietara bideratutako negozioak, “piezaren tipologia desberdina baita. Kamioien kasuan, gure produktuak baleztetan eta suspentsioan txertatzen dira gehienbat”.
Trenei dagokienez, produktuak bogie-an muntatzen dira nagusiki, hau da, bagoiek azpian duten gurpildun egituran.
Artecaren negozioaren % 70 automobilgintza eta kamioietan zentratzen da, % 25 trenetan eta gainerako % 5a industria orokorrean. Bere bezero garrantzitsuenak Europan daude (% 60), ondoren Amerikan (% 30) eta azkenik Asian (% 10).
Artecaren nortasun ikurretako bat I+G-a da, euren salmenten % 5 bideratzen baitute jarduera horretara. Hain zuzen, badute ikerketa eta garapenerako arlo espezifiko bat, “non erantzunak bilatzen baititugu gure bezeroen eskakizunentzat: elementu finituen simulazioak produktuaren garapenerako, prozesuen simulazioak prozesuak garatu eta hobetzeko, neke-, bibrazio- eta tenperatura-entseguak (-40 eta 200 gradu bitarteko kamara klimatikoak)”.
Artecak “in house” integratuta dauka produkzio-prozesu osoa. “Metala da kanpoan erosten dugun material bakarra”.
4.0 Industriari dagokionez eta 2016az geroztik, makinetatik zuzenean eskuratutako datuak atzeman eta prozesatzen dituzte, eta informazioa helarazten diete langileei (jarraibideak, gamak, akats motak, prozesua azaltzen duten bideoak, check list-ak, etab.)”.
Artecak 98 langile ditu, eta 19,5 milioi euro inguru fakturatzen ditu urtean.
SPRI Taldearen zibersegurtasun industrialeko programaren laguntzarekin enpresaren sistema informatiko guztiak hobetu dituzte, esaterako, birusen aurkako softwarea, zerbitzariak edo segurtasun kopiak. “Hiru urte daramatzagu diru asko inbertitzen arlo honetan”. Iazko zibersegurtasun arloko proiektuak SPRIren laguntza jaso zuen, “dagoeneko bukatuta dago eta aurten berri bat abiaraziko dugu”.
Artecaren erronka da produktuak eta bezeroak dibertsifikatzea. “Hazkunde sostengatua lortu nahi dugu. Arreta handiz jarraitzen ditugu elektrifikazio arloko nobedadeak, eta harreman estua dugu bezeroekin”.
Lotutako albisteak
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Talleres Altube, doitasuna nortasunean daraman Gipuzkoako mekanizazio-enpresa
Bergarako konpainiak SPRI Taldearen zibersegurtasun-programako laguntza bat jaso du, eta negozioa % 50 handitzea espero du 2027rako
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du
ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza