Dertenek automobilgintza enpresei laguntzen die, informazioaren segurtasun-eskakizunak bete ditzaten
Zibererasoak gero eta ohikoagoak dira eta, horregatik, enpresek kanpoko laguntza bilatzen dute informazioa babesteko. Automobil-industrian daturik ez filtratzea bermatzeko, TISAX araudia sortu zen. Derten euskal enpresa, 20 urte baino gehiagoko esperientzia duen zibersegurtasuneko eta zerbitzu informatikoetako enpresa, araudi berrien bilakaerara egokitzen da eta prozesu osoan zehar bezeroei laguntzen die.
TISAX araudia informazioaren segurtasun-estandar bat da automobilgintzaren sektorerako, kasu askotan, sektoreko merkatuan nahitaezko eskakizun bihurtu dena. Horregatik, automobilen fabrikatzaile edo hornitzaile handientzat lan egiten duten enpresek Informazioaren Segurtasuna Kudeatzeko Sistema honetan ziurtatu behar dute haien burua.
Araudi hori Alemaniako Automotriz Industriaren Elkarteak (VDA) garatu zuen, eta Europako herrialde askotan eskatzen da, besteak beste, Espainian. Araudia betetzen dela bermatzeko, eskatutako segurtasun-estandarrekin gauzatzeko eta epemugaren barruan, Dertenek ibilgailuen sektoreko puntako enpresekin lan egiten du, merkatu nazionalean, eta ibilgailuen fabrikatzaile nagusien hornitzaileekin.
Euskal enpresak TISAX araudia bete nahi duten enpresei euskarria eta laguntza ematen die prozesu osoan zehar, maila orokorrean: erregulatzailea, arauemailea, legala eta teknikoa. “Guk aholkularitza-lana egiten dugu bezeroari haien helburuak lortzen laguntzeko”, azaldu du Julio Holgadok, Zibersegurtasuneko aholkulariak. Xedea da arriskua murriztea eta segurtasuna areagotzea, eta erakunde eskudunak ziurtapen-zigilua lortzea. “Gure metodologia oso pertsonala eta hurbila da; prozesu osoan zehar gure bezeroei laguntzen diegu, horiek ziurtagiria lortu arte”.
Zibersegurtasun-zerbitzuetan espezializatutako enpresa da, eta 360ºko zerbitzu globala eskaintzen die enpresei, merkatu guztietan. Azpiegiturak babesteko irtenbideak ematen ditu, enpresek jasaten duten arriskua murrizteko. Detekzio-konponbideak ematen ditu ere bai, zibersegurtasunaren monitorizazio-zerbitzu baten bidez, zibersegurtasunaren kontzientziazioan trebatzeko eta entrenatzeko programen bidez, etab. Gainera, gorabeheren aurrean erantzuteko zerbitzu bat eskaintzen du, negozioaren jarraitutasun-planak, etab. Eta aholkularitza-arloan enpresei laguntzen die eta babesa ematen die Informazioaren Segurtasuna Kudeatzeko Sistema bat ezartzen.
Orain, Dertenek merkatuko zibersegurtasunean erreferente izan nahi du. “Etengabe ari gara eboluzionatzen, merkatuan egunez egun ematen diren beharretara egokitzen”, dio Julio Holgadok. Horregatik, iritsi berri den adimen artifizialerako zibersegurtasunak duen garrantzian jartzen du fokua, besteak beste. Aldi berean, bere Zibersegurtasuneko Urteroko Ekitaldia prestatzen ari da Iberdrola Dorrean, “non gai honi eta beste gai eta proiektu batzuei buruz gehiago sakonduko dugun”, eta seguruenik apirilean egingo da.
Eusko Jaurlaritzak zibersegurtasuna bultzatzen du euskal enpresetan, gai horri buruzko ehun ekonomiko bat sortuz, SPRIk artikulatua.
Lotutako albisteak
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza
Orbik Cybersecurity, Mondragon eta Ikerlanen arteko hitzarmen bati esker Eusko Jaurlaritzaren laguntzarekin kooperatiba bihurtu den lehen star-tup-a teknologikoa
Akordioak 10 milioi euro baino gehiago mobilizatuko ditu datozen lau urteetan, oinarri teknologikoko kooperatibak sortzeko
CIBEREGA proiektua: euskal teknologia zibermehatxuen aurrean
Orbik Cibersecurity-k gidatuta, industriari eragiketen jarraitutasunari eusteko eta zibermehatxuen inpaktua minimizatzeko gaitasuna ematen dio. SPRI Taldearen Hazitek laguntza-programaren babesa izan du.
Eurocybcar eta Aenorrek bat egin dute ibilgailuek Europako zibersegurtasun-araudia betetzen dutela ziurtatzeko
Pasa den uztailetik, fabrikatzaileek ziberrerasoak minimizatuko dituzten ibilgailuak saldu behar dituzte; hain zuzen ere, ziberreraso horiek izaten dira lapurtzeko, gidaria zelatatzeko edo istripu bat eragiteko urrutitik kontrola hartzeko.
Ironchip, munduan bakarra den lokalizazioaren bidezko zibersegurtasun-produktua duen Barakaldoko ETEa
Gartner aholkulari iparramerikar entzutetsuak lehengo urtean gehitu zuen bere proiektuan negozio-merkaturik hasi berrienen artean
Grupo INTek sistemen, programazioaren eta zibersegurtasunaren zeharkako laguntza eskaintzen du
Arabako enpresak zibersegurtasuneko proiektuak sortu eta inplementatzen ditu euskal entitateetan, SPRI Taldearen dirulaguntzen bidez.
Sustatu zibersegurtasuna zure ETEan SOC zerbitzuak ezarriz eta lortu zibersegurtasuneko ziurtagirik zorrotzenak
Euskadiko enpresa txiki eta ertainek SOC (Security Operations Center) eta Ziber arloko Ziurtapenak programako dirulaguntzak eska ditzakete dagoeneko. Programa horren helburu nagusia da ETE-en zibersegurtasuna indartzea SOC zerbitzuak ezartzearekin lotutako proiektuak finantzatuz eta zibersegurtasuneko ziurtagiri ezagunak lortuz. Gehienez ere 25.000 euro jasotzen dira enpresa bakoitzeko.