Grupo INTek sistemen, programazioaren eta zibersegurtasunaren zeharkako laguntza eskaintzen du
Grupo INT enpresaren 30 urteko ibilbidean zehar, bere jarduera aldatuz joan da bezeroen eskaeretara egokitzeko. Batez ere prestakuntzan aritzen zen sozietate zibil gisa jaio zen, baina pixkanaka enpresek zerbitzu gehiago eskatzen zizkiotenez, programazioa ere eskaintzen hasi zen. 2001ean, sozietate mugatu gisa eratu zen, eta, orain, sistemen, programazioaren eta zibersegurtasunaren zeharkako laguntza ematen du. 2022an, Erresuma Batuko Data Magazine aldizkariak Euskadiko 21 enpresa berritzaileenen artean katalogatu zuen Gupo INT.
“Behar bakoitzerako laguntza eman eta irtenbide egokienak ezartzen ditugu”, zehaztu du Txema Fernandezek, Grupo INTeko sistemen eta zibersegurtasunaren arduradunak. Zerbitzariak muntatzea, sistemak birtualizatzea eta biltegiratzea (erabilgarritasun handiarekin edo gabe), sistemen auditoretzak eta zibersegurtasuna, eta edozein aplikazio neurrira garatzea: ERP, CRM, plangintza eta produktibitatea. Bezero bakoitzaren beharrak detektatzen ditu eta irtenbide egokienak garatzen edo inplementatzen dizkio. SPRI taldearen dirulaguntzei esker, INT Taldeak zibersegurtasuneko proiektuak sortu eta inplementatzen ditu euskal enpresetan.
Arabako enpresak software librearen aldeko apustua egin du; berak sistema guztiak kudeatzen ditu. Horrek “etengabe hezitzera behartu gaitu”, azaldu du INT taldeko sistemen eta zibersegurtasunaren arduradunak. Abantailen artean, besteak beste: teknologia handiekiko independentzia osoa ematen dio, bere hodei, posta elektroniko, biltegiratze edo zibersegurtasun propioa duelako; eta “teknologiarik puntakoena edozein enpresatara hurbiltzeko” gaitasuna ematen dio.
Mota guztietako merkatuei eskaintzen dizkie zerbitzuak, baina, batez ere, ERP eta zibersegurtasunaren garapenean mugitzen da. Gehienbat Euskadin jarduten du, hala ere, bezeroak beste leku batzuetan ere baditu.
Gupo INTen egungo helburua da bere soluzioak eta zerbitzuak haztea eta zabaltzea, enpresa gehiagotara iristeko. Epe luzera, Adimen Artifiziala bere garapenetan integratzearekin eta datuen pribatutasunarekin lotuta gaur egun ernaldi fasean dauden hainbat proiektu gauzatu nahi ditu, cloud pribatuko eta telefoniarako sistema eragileetako soluzio berriak emateko.
Bilakaera Arabako enpresaren konstante bat da: “etengabe ari gara proiektu eta irtenbide berrien bila”, dio Txema Fernándezek. Izan ere, gaur egun Lora sarearen bidezko elektronikaren eta sentsorizazioaren garapena sartzen ari da; horri esker, ur-kontagailuetako kontsumoak eta alertak automatikoki irakur daitezke, esaterako.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Eusko Jaurlaritzak zibersegurtasuna bultzatzen du euskal enpresetan, gai horri buruzko ehun ekonomiko bat sortuz, SPRIk artikulatua.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Pozikek osasun mentaleko estrategietan inbertitzeko itzulkina maximizatzen laguntzen die enpresei
Bere plataformak aukera ematen du langileei buruzko informazioa biltzeko eta enpresen zuzendaritzari produktibitatea hobetzeko tresnak emateko, langileen ongizatearen bitartez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Iametzak euskarazko komunikazioaren eta digitalizazioaren aldeko apustua lantzen du
Gipuzkoako enpresak NextCloud plataforma txertatu du azken urteetan bere eskaintzan, eta horrekin enpresa industrialetara iristea du helburu.