Hainbat euskal antolakunde I+G-ko proiektuak garatzen ari dira sare elektriko adimendunaren zibersegurtasunerako
Hainbat euskal erakunde lanean ari dira sare elektrikorako osagaien fabrikazio, ekipamendu eta hornidura prozesuekin lotutako bi zibersegurtasun proiektutan, biak ere Eusko Jaurlaritzak kofinantzatuak, SPRI Taldeak kudeatzen duen eta I+G bultzatzea helburu duen Hazitek 2021 programaren bitartez. Cincosei eta TrueValSec izenen azpian hainbat erakundek hilabeteak daramatzate azpiestazio batean integratzen diren osagai elektronikoentzako zibersegurtasun neurriak garatzen, kateko eragile bakoitzaren premia berezietara egokitutako prozedurak zehazten, eta sare elektrikoarekin lotutako produktu eta ekipamenduen bizi-ziklo osoan zibersegurtasunaren kudeaketa kontuan hartuko duten zehaztapenak definitzen.
Euskadin, duela lau urte sortutako Zibersegurtasunerako Euskal Zentroa (BCSC) da zibersegurtasunaren euskal ekosistema bultzatzen ari dena, eta dagoeneko lortu du jarduera horrekiko sentsibilizazioa zabaldu eta martxan jartzea eremu guztietan (enpresetan, arlo teknologikoan, nazioartekotze arloan, etab.).
Cincosei eta TrueValSec proiektuetan hainbat euskal erakunde bildu dira, helburutzat harturik elkarrekin balioa sortzea sare elektrikoen digitalizazio arloan eta erantzuna ematea sistema adimendunen ahulguneei, sare elektrikoaren segurtasuna hobetuz bai osagaiei dagokienez eta bai sare energetiko osoari begira.
Ekimen bien helburua da Europan erreferentziazkoa izango den tokiko ekosistema bat eraikitzeko aukera aprobetxatzea, zibersegurtasuna hartuz lehiakortasun-bektore bezala.
Gaia klusterrak bereziki azpimarratzen du Euskadiko berrikuntza kolaboratiborako kultura, bi proiektu horiek nabarmentzen dutena, eta Euskal Autonomi Erkidegoak ekosistema paregabea daukala horrelako proiektuei arrakastaz ekiteko, “badituelako mundu mailan liderra den operatzaile bat, eta ekimena aurrera eramateko beharrezkoa den sare industrial eta teknologiko propio bat”.
Hala, Cincosei proiektuaren helburua da osagai elektronikoentzako zibersegurtasun neurriak garatzea, ongi egokituko direnak osagai horien eskakizun espezifikoetara (denbora erreala, segurtasun funtzionala, sendotasuna, erresilientzia), baina batere kaltetu gabe funtzionaltasuna eta usagarritasuna.
Horretarako, Cincosei proiektuan lankide dira, besteak beste, Electrónica Arteche Smart Grid, OrmazabalProtection & Automation, Ingeteam Power Technology eta ZIV Aplicaciones y Tecnologías (osagaien hornitzaileak), IKOR (fabrikazio enpresa), RKL (zerbitzu hornitzailea) eta Ikerlan eta Gaia Klusterra.
“TrueValSec” izeneko bigarren proiektuaren helburua da ekimenean parte hartzen duten enpresak lerrokatzea eta elkarren arteko lankidetza sustatzea zibersegurtasun arloko teknologia berritzaile, egiaztagarri eta eskalagarriak sortzeko, “zeintzuek posible egingo duten, lankidetzatik abiatuta, epe luzerako konponbideak sortzea sektore elektronikoak etorkizuneko sare adimendunen arloan dituen negozio eta lehiakortasun erronkak gainditzeko”. Funtsean, xedea da teknologia berritzaileak sortzea zibersegurtasunak sektore elektronikoan planteatzen dituen erronkei konponbidea emateko.
Horretarako, TrueValSec proiektuan lanean dabiltza Ingeteam Power Technology (proiektuko liderra), Electrónica Arteche Smart Grid, Enigmedia, Iberdrola, Ormazabal Protection & Automatio, Pricewhaterhousecoopers, Zigor eta ZIV Aplicaciones y Tecnologías, eta baita ere Zientzia eta Teknologiaren Euskal Sareko Ikerlan eta Gaia Klusterra.
Lotutako albisteak
ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza
Orbik Cybersecurity, Mondragon eta Ikerlanen arteko hitzarmen bati esker Eusko Jaurlaritzaren laguntzarekin kooperatiba bihurtu den lehen star-tup-a teknologikoa
Akordioak 10 milioi euro baino gehiago mobilizatuko ditu datozen lau urteetan, oinarri teknologikoko kooperatibak sortzeko
CIBEREGA proiektua: euskal teknologia zibermehatxuen aurrean
Orbik Cibersecurity-k gidatuta, industriari eragiketen jarraitutasunari eusteko eta zibermehatxuen inpaktua minimizatzeko gaitasuna ematen dio. SPRI Taldearen Hazitek laguntza-programaren babesa izan du.
Eurocybcar eta Aenorrek bat egin dute ibilgailuek Europako zibersegurtasun-araudia betetzen dutela ziurtatzeko
Pasa den uztailetik, fabrikatzaileek ziberrerasoak minimizatuko dituzten ibilgailuak saldu behar dituzte; hain zuzen ere, ziberreraso horiek izaten dira lapurtzeko, gidaria zelatatzeko edo istripu bat eragiteko urrutitik kontrola hartzeko.
Ironchip, munduan bakarra den lokalizazioaren bidezko zibersegurtasun-produktua duen Barakaldoko ETEa
Gartner aholkulari iparramerikar entzutetsuak lehengo urtean gehitu zuen bere proiektuan negozio-merkaturik hasi berrienen artean