Javier Diéguez: “Euskadin, zibersegurtasunaren industria susperraldian dagoen sektorea da”

Javier Diéguez, Basque Cybersecurity Centreko zuzendaria

Zibersegurtasun Euskal Zentroko zuzendariak euskal enpresen gaitasuna nabarmendu du, ingurune digitaleko soluzioak sortzen lagunduko duen teknologia propioa garatzeko.

 

Robotika, adimen artifiziala eta big data bezalako teknologia berriak hainbat sektore ekonomikotan aplikatzeak aukera berriak ekarri ditu, baina aldi berean, ingurune digitaleko segurtasunarekin lotutako arrisku berrien agerpena erraztu du. Erronka honi erantzuteko asmoz sortu da Basque Cybersecurity Centre – Zibersegurtasun Euskal Zentroa, sektore honetan lanean diharduten enpresei babes instituzionala eskaintzea helburu duen erakundea.

Erakunde honetako zuzendari Javier Diéguezen iritziz, “Euskadin, zibersegurtasunaren industria susperraldian dagoen sektorea da, abanguardiako teknologia propioa sortzeko gaitasuna frogatu duena”. Diéguez buru duen erakundea estu-estu lotuta dago, alde batetik, zibersegurtasuneko zerbitzuak hornitzen dituzten enpresekin, eta bestetik, nazioarteko merkatuko lehiakortasunari eusteko azpiegitura berriak babestu behar dituzten industriekin.

Dagokion eginkizuna betetzeko, zentro berriak manufaktura-industrien zibersegurtasun-proiektuei laguntzea xede duen laguntza-programa aitzindaria du. Gainera, erakundeak sustatutako jardunaldien artean, azaroaren 5ean antolatuko den Basque Cybersecurity Day delakoa nabarmen daiteke. Doako ekitaldi honetarako izena emateko epea irekita dago oraindik.