Xare, enpresa, erakunde eta profesionalentzako zibersegurtasun soluzioak
Xare enpresa gipuzkoarra 2006an jaio zen, eta Basque Cybersecurity Centreko (BCSC) zibersegurtasun-katalogoa osatzen duten enpresetako bat da. Horren bidez, Eusko Jaurlaritzak arlo horretan adituak diren enpresak akreditatzen ditu. Horrela, Xarek kalitate estandarrak bermatuta dituzten zerbitzuak eskaintzen ditu, segurtasun informatikoari dagokionez.
Enpresan hamar pertsona ari dira lanean, eta haien zerbitzuetako bat zibersegurtasuneko aholkularitza eta auditoria teknikoa da: “Gure profesional-taldeak diagnostiko pertsonalizatuak egiten ditu, egoera aztertzeko eta edozein enpresa edo erakundek izan ditzakeen kalteberatasunak edo segurtasun-mehatxuak detektatzeko”, adierazi du Iñaki Errazkin Sistemen Saileko arduradunak. Xarek ere auditoretzak egiten ditu edozein segurtasun-urraketaren ondoren, gertaera horren arrazoiak eta ondorioak ezagutzeko.
Enpresarentzako prebentzioa lehentasuna da: “Puntu honetan, edozein proiekturen zibersegurtasuna bermatzeko garatu beharreko planak egitea da gure zeregina, edozein bezero motari egokitutako tresna eta konponbideekin”.
Hala ere, edozein enpresa edo erakundek ditu arriskuak, eta zibererasoa edo zibersegurtasunarekin lotutako intzidentzia gertatuz gero, “ezinbestekoa da azkar jardutea, arazo handiagoak saihesteko eta egoera hori eragin dutenak konpontzen saiatzeko”. Ildo horretan, Xarek segurtasun-gorabeherak kudeatzen ditu gertatu aurretik, bitartean eta ondoren. “Garrantzitsuena zibersegurtasun-maila optimoa berreskuratzea da, arazoak saihesteko”.
Segurtasun-maila ezin hobea bermatzeko, enpresak hainbat zerbitzu eskaintzen dizkie bezeroei, azpiegiturak eta soluzio teknologikoak diseinatzeko, integratzeko eta abian jartzeko. Gainera, beharrezkoak diren mantentze- eta euskarri-lan guztiak barne hartzen ditu, “profesional espezializatuen talde batekin, gure bezeroen lasaitasuna bilatuz”.
Komunikazioak, ekipo eta gailu mugikorrak eta bezeroen datu sentikor guztiak babesteko eskaintzen dituen soluzioen artean, azken erabiltzaileak zibersegurtasunari, txostenak sortzeari eta zerbitzu delikatu eta garrantzitsuenen etengabeko monitorizazioari buruzko jarraibideak ere badaude.
Eusko Jaurlaritzak zibersegurtasuna bultzatzen du euskal enpresetan, Basque Cybersecurity Centerren inguruan gai horri buruzko sare ekonomiko bat sortuz.
Lotutako albisteak
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza
Orbik Cybersecurity, Mondragon eta Ikerlanen arteko hitzarmen bati esker Eusko Jaurlaritzaren laguntzarekin kooperatiba bihurtu den lehen star-tup-a teknologikoa
Akordioak 10 milioi euro baino gehiago mobilizatuko ditu datozen lau urteetan, oinarri teknologikoko kooperatibak sortzeko
CIBEREGA proiektua: euskal teknologia zibermehatxuen aurrean
Orbik Cibersecurity-k gidatuta, industriari eragiketen jarraitutasunari eusteko eta zibermehatxuen inpaktua minimizatzeko gaitasuna ematen dio. SPRI Taldearen Hazitek laguntza-programaren babesa izan du.
Eurocybcar eta Aenorrek bat egin dute ibilgailuek Europako zibersegurtasun-araudia betetzen dutela ziurtatzeko
Pasa den uztailetik, fabrikatzaileek ziberrerasoak minimizatuko dituzten ibilgailuak saldu behar dituzte; hain zuzen ere, ziberreraso horiek izaten dira lapurtzeko, gidaria zelatatzeko edo istripu bat eragiteko urrutitik kontrola hartzeko.
Ironchip, munduan bakarra den lokalizazioaren bidezko zibersegurtasun-produktua duen Barakaldoko ETEa
Gartner aholkulari iparramerikar entzutetsuak lehengo urtean gehitu zuen bere proiektuan negozio-merkaturik hasi berrienen artean
Grupo INTek sistemen, programazioaren eta zibersegurtasunaren zeharkako laguntza eskaintzen du
Arabako enpresak zibersegurtasuneko proiektuak sortu eta inplementatzen ditu euskal entitateetan, SPRI Taldearen dirulaguntzen bidez.
Sustatu zibersegurtasuna zure ETEan SOC zerbitzuak ezarriz eta lortu zibersegurtasuneko ziurtagirik zorrotzenak
Euskadiko enpresa txiki eta ertainek SOC (Security Operations Center) eta Ziber arloko Ziurtapenak programako dirulaguntzak eska ditzakete dagoeneko. Programa horren helburu nagusia da ETE-en zibersegurtasuna indartzea SOC zerbitzuak ezartzearekin lotutako proiektuak finantzatuz eta zibersegurtasuneko ziurtagiri ezagunak lortuz. Gehienez ere 25.000 euro jasotzen dira enpresa bakoitzeko.